Endeleg ei førjulstid utan restriksjonar og påbod om munnbind i kyrkjene! Me kan med glede invitere til Osterøykoret sine årlege og tradisjonsrike konsertar i adventstida.
Det siste året er me vorte fleire songarar, og koret tel no vel 50 aktive medlemmar. Det vert spanande når me skal stille opp i kykjene der plass kan vere ei utfordring for eit så stort kor.
Øving med musisering over Carola-låt.
Repertoaret i år famnar vidt, som overskrifta på denne sida tyder på. Både nytt og gamalt, fleire spanande verk og sjangrar, og songar me har sunge før, men i nytt arrangement. Det vert solonummer med eigne solistar, og tonefølje av Knut Christian Jansson. Og han som held kontroll på oss og inspirerer oss til "å gje alt", er dirigent og musikalsk leiar Jon Flydal Blichfeldt.
- Bruvik - sundag 27. november (1.sundag i advent) kl 17:00
- Hosanger - torsdag 1. desember kl 20:00
- Haus - sundag 4. desember (2.sundag i advent) kl 17:00
Me ønskjer deg velkommen til førjulskonsert.
Nedanfor finn du direkte lenker til tinging av billettar på TicketCo. Plakaten ligg som vedlagt fil.