Osterøykoret held fram med sine"pop-up" minikonsertar. Me har til no gjesta Valestrand, Bruvik, Hosanger og Fotlandsvåg sidan i fjor haust. Sist torsdag var det Hamre som var staden for songgleda. Værgudane var i godlune, stagga nordavinden og let sola skine over fjord og fjell, songarar og tilhøyrarar.
Smittevernet var som alltid godt ivareteke med registrering av alle frammøtte. Og sidan Hamre kyrkjekai/friluftsområde er framifrå romsleg, var det god plass til koristar som må halde 2-meters avstandsregel.
Takk til alle som kom. Me set umåteleg stor pris på dykk! Me sjåast "plutseleg" att!