Ein musikal for liten og stor.

Dette er historia om vesle Mowgli som veks opp hjå ein ulveflokk i jungelen i India. Mowgli har fått mange vener i jungelen, og bestevenene er bjørnen Baloo og panteren Baghera. Venene og ulveflokken lærer Mowgli alt han må vite for å klare seg i jungelen, for i jungelen lurar farer det ikkje er lett for ein liten «menneskekvalp» å verge seg mot. Den store, farlege tigeren Shere Khan er alltid på jakt, og slangen Kaa og apekongen Loui er heller ikkje til å stole på. Etter kvart som Mowgli sin utforskartrong når nye høgder, finn venene Baloo og Baghera ut at dei må overtale han til å forlate jungellivet og flytte attende til den trygge landsbyen han ein gong kom frå.

I februar vart det halde audition for å finne born til dei einaste rollane som ikkje er dyr i denne histora, Mowgli og Mira. Dette var eit samarbeid med Kulturskulen og barneskulane i Osterøy.